မမေ့နိုင်သော(ဖြစ်ရပ်မှန်)

ဦးဇင်းက နယ်မြို့လေး တစ်ခုကနေ ရန်ကုန် ဗုဒ္ဓတက္ကသိုလ်မှာ ပညာသင်ကြားနေတဲ့ ရဟန်းတစ်ပါး ဖြစ်ပါတယ်။ ဦးဇင်းအတွက် လိုအပ်တဲ့ ဝထ္ထုငွေနဲ့ ပစ္စည်းလေးပါး ကို ဇာတိမြေကပဲ လူကြုံနဲ့ တစ်မျိုး ကိုယ်တိုင်တစ်ဖုံ အထောက်ပံ့ လက်ခံရပါတယ်။ တစ်နေ့ ဦးဇင်းရဲ့ ဒကာမတစ်ယောက်ရဲ့ သမီးက ရန်ကုန်သို့ အရောင်းအဝယ် ကိစ္စနဲ့ ဦးဇင်းဆီ လူကြုံဝင်ရင်း လိုအပ်တဲ့ စာအုပ်တွေနဲ့ ဝထ္ထုငွေ တစ်ချို့ကို လူကြုံ ထည့်ယူလာတာကြောင့် ဦးဇင်းဆီ လာဖို့ အကြောင်းဖန်လာပါတယ်။

ရောက်လာမည့် ဒကာမကလည်း နယ်ကလည်းဖြစ် ရန်ကုန်မြို့ရဲ့ များပြားလှသော လိုင်းကားတွေကို လည်လည်ဝယ်ဝယ် စီးတက်သူလည်း မဟုတ်တာကြောင့် ဦးဇင်းကပဲ စီးရမည့်ကား နံပါတ်၊ ဆင်းရမည့် ကားမှတ်တိုင် အမည် တို့ကို သေသေချာချာ လိုက်မှတ်စေပြီး ရက်စွဲအတိ အကျ ရောက်မည့်အချိန်တို့ကို ခန့်မှန်းပြီး ကားမှတ်တိုင်တွင် ဦးဇင်း လာစောင့်ကြို ပါမည်ဟု အသေအချာ ကတိပေးလိုက်သည်။ လူကြုံလာပို့မည့် ဒကာမရောက်မည့်နေ့ နေ့လည် တစ်နာရီခန့် ဦးဇင်းတို့ရဲ့ ဆွမ်းကွမ်း ကိစ္စ ပြိးမြောက်တာနဲ့ စောစောလေး ချိန်းဆိုထားရာ ကားမှတ်တိုင်မှာ ကြိုစောင့်နေဖို့ ဦးဇင်းထွက်လာခဲ့တယ်။

ရန်ကုန်မြို့ရဲ့ ကျစ်ကျစ်တောက် ပူတဲ့နေကြောင့် ကတ္တရာ လမ်းမကြိးဟာ အငွေ့ပျံမတက် ပူလောင်မှုနဲ့ အတူ နွေနေ့လည်ခင်းကို ပံ့ပိုးနေသလို။ ချိန်းဆိုထားရာ စွယ်တော်ဘုရား ကားမှတ်တိုင်တွင်မို့ ဘုရားဖူးလာသူ တစ်ချို့နဲ့ အတူ ကားမှတ်တိုင်နဲ့ မနီးမဝေး အပင်ကြီးတွေ အောက်မှာ ခေတ္တခဏ အရိပ်ခိုရင်း ဒကာမအလာကို စောင့်မျှော်နေမိတယ်။ ဦးဇင်းကပဲ စိတ်စော စိတ်မြန် တက်လေသလား၊ ရောက်လာမည့် ဒကာမ ကားမှားစီးပြီး မလည်မဝယ်နဲ့ လမ်းမှားနေမလားလို့ စိတ်ပူပန်ဇောကြောင့် သတ်မှတ်ချိန်ထက် စောရောက်နေသလို စိတ်ပူပန်မှုကလည်း နွေနေ့လည် အပူချိန်နဲ့ အပြိုင် ဦးဇင်းစိတ်ကို ပူလောင်နေစေသည်။

သတ်မှတ်ချိန်ထက် တစ်နာရီကျော်ကျော် နောက်ကျနေခဲ့သည့်တိုင် ဒကာမရဲ့ အရိပ်ယောင်တောင် မမြင်ရချေ။ နေ့လည်ခင်းမို့ အပူချိန် ကြီးစိုးမှုနှင့်အတူ ဦးဇင်းလည်း အလိုမကျမှုတွေနဲ့ ဒေါသစိတ်က ဝင်ရောက်လာခဲ့သည်။ ဒကာမအတွက် သို့လော သို့လော ဆိုသော စိတ်ပူပန်မှုနှင့် အတူ ရောက်သင့်သည့် အချိန်ထက် များစွာ နောက်ကျလာခဲ့သည်။ လိုင်းကားတွေသာ တစ်စီးပြီး တစ်စီး အဆက်မပြတ် သွားလာနေသော်လည်း ထိုဒကာမအား မတွေ့မြင်ရချေ။ တိုက်တိုက်ဆိုင်ဆိုင် အဲဒီလို ဖြစ်နေတဲ့ အချိန် ကလေးငယ်တစ်ဦး အသက်အားဖြင့် (၉)နှစ်၊(၁၀) နှစ်အရွယ် ယောက်ျားလေးတစ်ယောက် ဘယ်ကနေ ထွက်ပေါ်လာသည် မသိ ဦးဇင်းထံမှ ပိုက်ဆံ လာတောင်းနေသည်။

" ဘုန်းဘုန်းရယ် သား ထမင်းမစားရသေးလို့ သားကို ပိုက်ဆံ(၅၀) လောက်ပေးပါ.. ဘုန်းဘုန်းရယ် သားတောင်ပန်ပါတယ် သားဗိုက်ဆာနေလို့ပါ " တဲ့။ ရန်ကုန်မြို့တွင် ထိုကဲ့သို့ တောင်းရမ်းစားသောက် ကြတဲ့ကလေးတွေ အမြှောက်အမြား ရှိကြသည်။ အမှန်အကန် လည်းရှိကြသလို လိမ်လည်ကြတဲ့ ကလေးတွေလည်း များစွာ ရှိသည်ဟု ဦးဇင်း ကြားဖူးသည်။ ဦးဇင်းနား ကပ်ပြီးဒ ပိုက်ဆံလာတောင်းတဲ့ ကလေးကို ကြည့်ပြီး ဦးဇင်း ဝေခွဲမရသလို စိတ်ထဲတွင်လည်း အလိုမကျမှုက ကြီးစိုးနေသောကြောင့် ခပ်တည်တည်နှင့် ပိုက်ဆံလာတောင်းတဲ့ ကလေးကို စိုက်ကြည့်ပြီး အောက်ငေါက်လွတ်သည့် အပြင် နောက်တစ်ခါ လာမတောင်းရန်ပါ သတိပေးလိုက်သည်။

စေတနာ မရှိလို့ရယ်လဲ မဟုတ် တစ်ချို့သော စေတနာများသည် ပျက်စီးစေဖို့ရာ အထောက်အပံ့တစ်ခု ဖြစ်ပေါ်သွားစေမည် ဆိုလျှင် မည်သူမဆို စဉ်းစားဆင်ခြင် သင့်ပေသည် မဟုတ်ပါလား။ ထိုကလေးသည် ဦးဇင်းနှင့် မနီးမဝေး အရိပ်အောက်တွင် ရှိသည့် မြေသလင်းပေါ်တွင် ထိုင်လျှက် ဦးဇင်းအား တစ်ချက် တစ်ချက် လှမ်းကြည့်နေသည်။ ဦးဇင်းအထင် ဦးဇင်းရဲ့ အော်ငေါက်မှုကြောင့် ဒီကလေး ဦးဇင်းရဲ့ ဝေးရာသို့ ထွက်ခွာသွားမည်ဟု ထင်ထားခဲ့သော်လည်း ထင်သလို ဝေးရာသို့ မထွက်သွားပဲ မလှမ်းမကမ်းမှနေ၍ ဦးဇင်းအား ကွက်ကြည့်ကွက်ကြည့် လုပ်၍ နေလေသည်။ ဦးဇင်းလည်း ဒကာမကို ဆက်စောင့်နေရင်း စိတ်ထဲမှနေ၍ " ကလေးတွေများ အကြောက်တရား နည်းလိုက်ကြတာ ဒီတစ်ခါ ငါ့ဆီ ပိုက်ဆံလာတောင်းကြည့် ခေါင်းကို ထူပူအောင် ခေါက်ပစ်လိုက်မည် "ဟု ကြိမ်းဝါးမိ၏။

နေ့လည်ခင်းမို့ ကားမှတ်တိုင်တွင် လူသူ နည်းပါးကာ ဦးဇင်းရယ် မလှမ်းမကမ်းမှာ ဦးဇင်းကို ကြည့်နေသော ပိုက်ဆံတောင်းတဲ့ ကလေးရယ်သာ ရှိတော့သည်။ သိပ်မကြာခင်မှာပဲ ထိုကလေးသည် မလှုပ်တလုပ်နှင့် ဦးဇင်းရဲ့ အနီးသို့ တရွေ့ေ၇ွ့ ချည်းကပ်လာခဲ့သည်။ ထိုကလေးရဲ့ အပြုအမှုသော် လည်းကောင်း ဒကာမ ရောက်မလာသည့်အတွက် အလိုမကျသည့် စိတ်ကြောင့်သော် လည်းကောင်း နွေနေပူ၏ အပူချိန် ကြိးစိုးမှု အောက်တွင် ဦးဇင်းစိတ် တွေသည် ဒေါသ ဆီသို့သာ ဦးတည်နေ ပေသည်။ ကလေးဥာဏ်ဖြင့် မသိမသာ ဦးဇင်းရဲ့ အနား တိုးတိုးလာနေသော ကလေးအား မသိဟန်ဆောင်ကာ " လာခဲ့ နင် အနားရောက်မှ ခပ်နာနာလေး ခေါက်ပစ်မယ် လာခဲ့ " ဟု စိတ်ထဲမှ ကျိမ်းမောင်းရင်း ကလေး အနား ရောက်လာမည့်အချိန်ကို စောင့်နေမိသည်။

ထိုစောင့်နေချိန်မှာပဲ တရွေ့ရွေ့နီးလာတဲ့ ကလေးငယ်က မထင်မှတ်စွာပဲ ဦးဇင်းရဲ့ လက်တစ်ကမ်းအကွာမှ နေ၍ သူရဲ့ ညစ်နွမ်းနွမ်း လက်ထဲက ကျစ်ကျစ်ပါအောင် ဆုပ်ကိုင်ထားသော ဟောင်းနွမ်းနေတဲ့ (၅၀)တန် အရွက်လေး နှစ်ရွက်ကို အသာဖြန့်ယူပြီး " ဘုန်းဘုန်း ကားခ မရှိရင် သားဒီမနက် တောင်းထားတဲ့ ပိုက်ဆံ (၁၀၀)ရှိတယ်၊ အဲဒီ (၁၀၀)ထဲက (၅၀) ဘုန်းဘုန်း ကားခအဖြစ် ယူပါလား .." တဲ့။ ကလေးငယ်ရဲ့ မဝံ့မရဲ စကားသံနဲ့ အပြုအမှုကြောင့် ဦးဇင်း ရင်ထဲ ထိုခဏ ဘယ်လို ဖြစ်သွားမှန်းမသိဘူး။

နွမ်းဖတ်ပြီး ကြေမတက် ဆုပ်ကိုင်ခြင်း ခံထားရတဲ့ (၅၀)တန် အဟောင်းလေး နှစ်ရွက်ကို ကျစ်ကျစ်ပါအောင် စုပ်ကိုင်ပြီး ဦးဇင်းအား သူတောင်းလို့ ရထားတဲ့ ပိုက်ဆံလေးထဲကမှ ကားမှတ်တိုင်တွင် ကားခမရှိလို့ အကြာကြီး ထိုင်စောင့်နေသည်ဟု ထင်ကာ တစ်ဝက်ခွဲယူရန် ပြောသော ကလေးရဲ့ ဖြူစင်တဲ့ စိတ်ထားကြောင့် မိမိကိုယ်မိမိ များစွာ ရှက်ရွံ့မိသည်။ ထို့အပြင် များစွာသော ခံစားမှု အသိတရား စသော စသော အတွေးများစွာဖြင့် ထိုကလေးငယ်အား အချိန်ကြာမြင့်စွာ စိုက်ကြည့်နေမိရင်း ဖော်မပြနိုင်သော ပီတိ တစ်ခုနှင့် အတူ ဘဝ တစ်သက်စာအတွက် ပြန်လည် တွေးမိတိုင်း ရှက်ရွံ့ဖွယ် အသိတရား ရဖွယ် ....အမည်မသိသော ခံစားမှု တစ်စုံတစ်ရာဖြင့်.....။

စာဖတ်သူများ တစ်စုံတစ်ရာ

ရင်တွင်း ခံစားချက် ရရှိပါစေလို့ ဆန္ဒပြုရင်း..

အသစ်မရေးဖြစ်ချိန်မှာ အဟောင်းထဲက ကောင်းမယ် ထင်တာလေးကို ဆားချက်ကြည့်တာပါ :):)

တစ်ကယ်တော့ အသစ်ရေးရသလိုပါပဲ။ စာစရေးချိန်တုန်းက အမှားတွေ အများကြီးမို့ ပြန်လည် ပြင်ဆင်တဲ့အခါ အသစ်ရေးသလိုပါပဲ ...:P:P

Written By Angelhlaing

Friday,February 10 ,2012

2,43(PM) , Austria

Posted in: ဆောင်းပါး