တိုက်စားခံရသော... ကမ်းပါးအက္ခရာ

“ မလေး…ကို ကျွန်တော် ချစ်တယ်”

မပွင့်တပွင့် အသံမှာ ရှက်ဟန်တွေပါနေမှန်း မလေး မကြည့်ပေမယ့် ခံစားလို့ရနေမှာ အမှန်ပင် ဖြစ်သည်။ အဝေးကြိးကို ငေးကြည့်နေသော မလေး၏ မျက်ဝန်းများ ငေးရီနေခဲ့သလားဆိုတာ ကျွန်တော် မသိခဲ့ပေ။ တစ်ချက်တစ်ချက် တိုက်ခတ်လာသော လေပြင်းကြောင့် ဆံနွယ်အောက်က မလေး၏ မျက်နှာဝင်းဝင်းလေးကတော့ ကျွန်တော့်၏ ပင့်သက်မောတွေကို ခိုးယူလို့နေသည်။

ခဏအကြာမှာတော့ ဝင်လုလုဆဲဆဲ နေမင်းကြိးနှင့်အပြိုင် ကျွန်တော့်မျက်ဝန်းတွေလည်း နီစွေးလာခဲ့သည်။ ကျွန်တော်ဟာ မလေးနှင့် မျက်နှာခြင်း မဆိုင်ရဲသူပီပီ ကျောခိုင်းအနေအထာဖြင့် မလေးဆီမှ စကားသံတစ်ချို့ကို နားစွင့်နေခဲ့မိသည်။ မလေးသည်လည်းပဲ ကျွန်တော့်ကဲ့သို့ပင် စိတ်လှုပ်ရှားနေမလားဆိုသော အတွေး..တစ်ချို့ဖြင့်။

“မလေး …အစောကတည်းက ကြိုပြီး သိနေခဲ့ပါတယ်”

တည်တည်ငြိမ်ငြိမ် ဆိုတာထက် တုန်ခါမှုအလျင်းမရှိသော မလေးထံမှ စကားသံ အကြားမှာတော့ ကျွန်တော် ခြေထောက်တွေ ညွတ်ခွေကျသွား လိုက်ချင်မိသည်။ အသံကိုပဲ စောင့်မျှော်နေခဲ့သူမို့ ထင်သည်။ မလေး၏ မျက်ဝန်းတွေကို ရင်ဆိုင်ဖို့ အတွက် ကျွန်တော် သတ္တိမရှိခဲ့ပါ။ ကျွန်တော်က မလေးနှင့် ပါတ်သက်လာလျှင် ထိုထက် ပိုပြိး သတ္တိကြောင် ချင်သူပီပီ အမြဲပင် အလွဲများစွာဖြင့် ရှိနေတက်သူလည်း ဖြစ်သည်။

နောက်ထပ် တစ်ခွန်းတစ်လေများ ဆိုဦးမလားလို့ ကျွန်တော် မျှော်လင့်ခဲ့သော်လည်း မလေးဆီကတော့ နုတ်ဆိတ်ခြင်း များဖြင့်သာ တိတ်ဆိတ်လို့ နေသည်။ ထိုနေရာမှ  ထွက်ခွာရနိုးနိုး၊ ဆက်ပြီး ရပ်နေရမလိုလိုနှင့် ကျွန်တော်ထံမှာ ခွန်အားများလည်း မဲ့လို့ နေလေသည်။

နေဝင်ရီ တရောမို့ လေနုအေးတို့ကလည်း အပြေးသော့လို့ လာနေသည်။ ပတ်ဝန်းကျင် တစ်ခုလုံးတွင်လည်း လေတိုးသံ သဲ့သဲ့နှင့် တိုးလျလျ သက်ပြင်းချသံ တို့သာ ကြီးစိုး၍ နေလေတော့သည်။

“ကျွန်တော် နားလည်ပြီ.. မလေး… ပြန်ကြရအောင်နော်”

“ခဏလေး… မလေး တစ်ယောက်ထဲ အရင် ပြန်နှင့်လိုက်မယ်..”

ပြန်ကြရအောင်ဟု စ၍ ပြောသူက ကျွန်တော်။ တစ်ယောက်တည်း ပြန်ဖြစ်သွားသူက မလေး။ အပြောနှင့် အလုပ်ကို လက်တွေ့ အသုံးချပြပြီး တရွေ့ရွေ့ ထွက်ခွာသွားသော မလေးက ကျွန်တော့်ကို တစ်ချက်လေးမှတောင် စောင်းငဲ့ မကြည့်သွားခဲ့ပါ။

ကျွန်တော့ကသာ ထွက်ခွာသွားသော မလေး၏ တလွင့်လွင့် လှုပ်ရှားနေသော ဆံနွယ်တွေနှင့်အတူ နောက်ကျောမှနေ အရိပ်လေး မှုန်ပြပြ ဖြစ်သွားချိန်ထိ ငေးမောလို့ ကောင်းနေဆဲ။

ကျွန်တော် ဝမ်းနဲနေခဲ့တာလား…

ရှက်နေခဲ့တာလား..

မသေချာသော ခံစားမှုများနှင့် ကျွန်တော် တစ်ယောက်တည်းရယ်…

တဖြေးဖြေးနှင့် ရေတမာပင်တွေ ယိမ်းနေသော လမ်းတစ်လျှောက်ပေါ်က မလေး၏ အရိပ်လေးကလည်း နေဝင်ချိန် နှင့်အတူ တရိပ်ရိပ် တိုးဝင် ပျောက်ကွယ်လို့ သွားချေပြီ။

ကျွန်တော်ကတော့ ထိုနေရာမှ အချိန်အတော်ကြာသည့်အထိ တစ်ရွေ့ကလေးတောင်မှ မရွေ့ဖြစ်သေးပေ။ ထွက်ခွာသွားသူမှ ပြန်လှည့်မလာဘူးဆိုတာကို သိနေလျှက်ဖြင့်ပင် ဝိုးတဝါး မျှော်လင့်စိတ်ဖြင့် မျှော်လင့် ချင်နေသေးသူက ကျွန်တော်ပင် ဖြစ်လေတော့သည်။

@@@@@@@@

ကျွန်တော့်ဘဝကို အဲ့ဒီညနေ စပြီး အသက်သွင်း ခဲ့တာပါလို့  ဆိုရင် “ မလေး ” တစ်ယောက် ယုံပါ့မလား…။

@@@@@@@@

ကျွန်တော်၏ အဖြစ်ပျက်တွေကို  မလေးတစ်ယောက် သိခဲ့မယ်ဆိုလျှင် ယခင်လိုပင် စိတ်ပျက်နေလေ ဦးမှားလား… ဆိုတာ မသေချာပေမယ့်လည်း သေချာခဲ့ နေသယောင်ယောင်။ ဘာကြောင့်ဆိုရမည် ဆိုလျှင် တိကျ၊ပြတ်သားတာကိုမှ မလေးက ကြိုက်နှစ်သက်သော ကြောင့် ဖြစ်သည်။

ကျွန်တော့်လို အတွေးတွေကို ဖောင်ဖွဲ့ပြီး ခိုင်ခံ့ပါ့မလားဟူသော စိတ်ကူးများဖြင့် စိုးရိမ်သောက ရောက်နေတက်သူ မဟုတ်သော မလေးပင် ဖြစ်သည်။

“ မလေး ကလည်း အခန်းဆက်နဲ့ လွမ်းရမယ့် အလုပ်မျိုးဆို အိပ်မက်ထဲထိတောင် မက်ခွင့် မပြုချင်ဘူး..”

ဟု၍  ဆိုတက်သူမဟုတ်ပါလား။

ကျွန်တော်မှာသာ ချီတုံချတုံဖြင့် အတွေးနက်နက်တွေကိုမှ အခန်းဆက်ဘွဲ့တွေ ရေးချင်ခဲ့တဲ့သူ ဖြစ်ခဲ့ရသည်။ ယုံကြည်မှုမှာ အနိမ့်အမြင့် လှေကားတစ်ခု ရှိခဲ့မည် ဆိုပါလျှင် ကျွန်တော်နှင့် ပါတ်သက်ခဲ့သော လှေကားတစ်ခုဟူသည် မလေးအတွက်တော့  အဆင်းလှေကား တစ်ခုသဲာ ဖြစ်ခဲ့ဟန်တူသည်။

အပြစ် မဆိုခဲ့ရက်ခဲ့သည်မှာ အမှန်ပင် ဖြစ်သည်။ ကျွန်တော်ဆိုသော သူကလည်း မလေး၏ ယုံကြည်မှုဆိုတာနှင့် ထိုက်တန်ခဲ့သော သူတစ်ယောက် မဟုတ်ခဲ့တာလည်း ကိုယ်တိုင် အသိဆုံးပင် ဖြစ်သည်။

@@@@@@@@

တစ်ခါတရံ တရွေ့ရွေ့ ရွေ့လျားနေတဲ့ တိမ်တွေကို အကြောင်းမဲ့ ထိုင်ကြည့်ရင်း အချိန်ဖြုန်းချင်ခဲ့သူက ကျွန်တော်ပင် မဟုတ်ပါလား။ တောင်ကမ်းပါးယံ တစ်ခုမှာထိုင်ပြီး မရောက်ဖူးသေးသော နက်ရှိုင်းကျယ်ဝန်းလှသည့် တောနက်ထဲကိုမှ သွားဖို့ စိတ်ကူးယဉ်နေမိသူ တစ်ယောက်လည်း ဖြစ်သည်။

 ထိုအကြောင်းတွေများ သိရင် မလေး ကျွန်တော့်ကို စိတ်ပျက်နေဦးမည်လား မဆိုတက်ချေ။ အံ့သြစိတ်ဖြင့်များ ငေးမောနေလေမလား မသေချာ။ ကြံကြံဖန်ဖန်အတွေးများနှင့်  “မလေး” နှစ်သက်သော (Vanda၊ Spatholottis၊ Kagawara ၊ Dendrobium တို့လို ) ရှားပါးသစ်ခွတွေကိုမှ အိပ်မက်ထဲမှာတောင် ယောင်ယောင်ဝါးဝါးဖြင့် ရှာဖွေနေမိတက်သော ကျွန်တော်သည် သူရူးတစ်ယောက် ကဲ့သို့ပင် တူနေလေသည်။

မလေး ပြောပြလေ့ရှိသော ကမ္ဘာ့စီးပွားရေး ကျဆင်းမှုကို ဘယ်လိုတွန်းလှန်မလဲ ဆိုသည့် ဆွေးနွေးမှုမျိုးထက် ကျွန်တော်က သစ်တောပြုန်းတီးမှုကို  ပြန်လည်စိုက်ပျိုးမှု ဆိုတာတွေနှင့် အစားထိုးရမယ် ဆိုတာမျိုး ဆွေးနွေးချင်ခဲ့တာပါ။

 သစ်ပင်တွေဟာ ကမ္ဘာမြေကြိး၏ အဆုတ်တွေ ဖြစ်တဲ့အကြောင်း၊ photosynthesis လို့ခေါ်သော သစ်ရွက်တွေရဲ့ အစာချက်လုပ်မှု အကြောင်းတွေ မလေးသိအောင် ပြောပြချင်ခဲ့တာ…။

အဲ့ဒါတွေနှင့် စပ်ဆက်တဲ့ ရေသံသရာ လည်ပုံတွေ၊ အမြဲစိမ်း သစ်တောတွေရဲ့ အကျိုးကျေးဇူးကြိးပုံတွေ၊ မြေဆီလွှာထိန်းသိမ်းဖို့နဲ့ သစ်တောတွေမှာ ရှိတဲ့ ဇီဝဖြစ်စဉ် မျိုးစိတ်မျိုးကွဲတွေရဲ့ အရေးပါပုံအကြောင်းတွေ ၊ ဒါ့အပြင် သဘာဝ ပတ်ဝန်းကျင်ဆိုတာ ဘယ်လောက် အရေးကြိးတဲ့ အကြောင်း၊ ကမ္ဘာ့လူဦးရေရဲ့ ရ၃% ဟာ မြေအောက်ရေကို အားကိုးအားထားပြုနေရတယ် ဆိုတဲ့အကြောင်းအရာတွေကို   မလေးနဲ့ ဆွေးနွေးချင်ခဲ့မိတာ..။

“ ဘဝမှာ အဖြစ်ချင်ဆုံး ဆန္ဒက ဘာလဲ … ”  

“ တောင်အမေရီကတိုက်ရဲ့ အမေဇုန်တောကြီးထဲမှာ ကျွန်တော် မသိ၊ မမြင်ဖူးတဲ့ ဇီဝမျိုးစိတ်တွေအကြောင်းလေ့လာခွင့် ရချင်တယ်..”

ကျွန်တော့်အဖြေကို ကြားပြိး ပြုံးရုံပြုံးနေသော မလေး၏ အတွေးထဲမှာ ကျွန်တော်က ခပ်ကြောင်ကြောင် အူတူတူလူတစ်ယောက်များ ဖြစ်ခဲ့လေသလား မဆိုတက်ချေ။  ကျွန်တော်ဟာ သိပ်ကို ညံ့ခဲ့သူပါ မလေး..။

“ မလေးနဲ့.. အတူဆုံချင်တာ…”

ဟူသော  အဖြေမျိုးဆိုလျှင် အခုချိန်ခါမျိုးမှာ တစ်မျိုးတစ်မည်များ ဖြစ်လာခဲ့လေမလားဟု တွေးမိပြန်သည်။ပြီးတော့ ကိုယ့်အတွေးနှင့် ကိုယ်…. တစ်ယောက်တည်း ရယ်မော မိပြန်သည်။ သို့သော် ထိုရယ်မောသံများကခြောက်ကပ်ကပ် နိုင်လွန်းနေ သယောင်ပင်။

@@@@@@@@

ရွေ့လျားနေသော တိမ်စိုင်တိမ်လိပ်တွေကို  ကျွန်တော် ကြည့်ပြီး အားကျတက်ပြန်သေးသည်။ လေ၏သယ်ဆောင်ရာသို့ အလိုက်သင့် မြောပါရင်းမှ ပုံသဏ္ဍန်အမျိုးမျိုး ပြောင်းပြီး လွင့်မြော နေခွင့်ရသော ဘဝမို့ဖြစ်မည်ထင်သည်။ လုပ်ချင်သော အလုပ်နှင့် လုပ်နေရသော အလုပ် မကိုက်ညီနေသော ကျွန်တော့်ဘဝတွင်သွားချင်ခဲ့သော နေရာအတော်များများလည်း မရောက်နိုင်သေးပေ။

နေဝင်ချိန်လိုမျိုး  ကြည်လင်သော ကောင်းကင်ပြာပြာ အောက်မှာ  တိမ်တွေ၊ တောင်တန်းတွေကို ငေးမောရင်းဖြစ်ချင်ခဲ့သော ဆန္ဒအပိုင်းဆများကိုသာ တွေးတောနေမိသည်။ ငြီးငွေ့ခြင်း ဆိုသည်မှာ မနှစ်သက်သော စိတ်၏တွန်းလန်မှုကို ခံစားရသော ဒဏ်ရာတစ်ခု ဖြစ်မည်ဆိုပါလျှင် ထိုဒဏ်ရာ ပျောက်ဆုံးရန်အတွက်ရှောင်တိမ်းခြင်းဆိုသည်မှာ ဆေးဝါးတစ်ခုဖြစ်သည်ဟု သိထားသော ကျွန်တော့်အတွက် မကြာခဏဆိုသလိုပင်ထိုကဲ့သို့သော ဆေးဝါး လိုအပ်ခြင်းသည် အပြစ်ဟု မဆိုသာပင် မဟုတ်ပါလား။

ချစ်ခြင်းဟာ ဝဋ် ဒုက္ခလှလှ တစ်ခုဆိုရင် ကျွန်တော်က ထိုဒုက္ခထဲမှာမှ ပျော်နေတက်သော သတ္တဝါတစ်ကောင်ပင်ဖြစ်နေပေလိမ့်မည်။ သို့ပေသည့်တိုင် ခုနေချိန်မှာ တစ်နေနေရာရာမှာ မလေးနဲ့ ထိပ်တိုက် မျက်နှာချင်းဆိုင်ဆုံတွေ့ရမည် ဆိုပါလျှင် ဆန့်ကျင့်ဘက် အရပ်သို့ ရှောင်လွဲသွားမည့်သူသည် ကျွန်တော်ပဲ ဖြစ်လိမ့်မည်။

@@@@@@@@

နေ့တစ်နေ့ကို ကျွန်တော် မှတ်မိနေသေးသည်။

ထို့နေ့သည် ..စနေနေ့လည်း ဖြစ်သည်။

ရုံးပိတ်ရက် ဖြစ်သော်လည်း ကျင့်သားရနေသော မျက်ဝန်းများက အလိုက်သင့် နိုးထလို့လာသည်။ ချမ်းစိမ့်စိမ့်မိုးအောင် နိုးနေသော်လည်း မထဖြစ်ပဲ အိပ်ယာထဲမှ လူးလိမ့်နေမိသော မနက်ခင်းတစ်ခုလည်း ဖြစ်သည်။မနက်မလင်းခင်ကတည်းက ရွာနေသောမိုး၊ စွေ၍ရွာသော စနေမိုးဟု ဆိုရမည်ပင်။

“ မိငြိမ်းချမ်းလေး .. နေမကောင်းဘူးကွယ်.. မိုးတွေကလည်းသဲလို့ အဲ့ဒါ ဆေးခန်းကိုမခေါ်သွားချင်ဘူး မိုးမိရင် ..ပိုဆိုးမလားလို့...လေ အဲ့ကြောင့် သားပဲ ဆရာဝန်သွားပင့်ပေးစမ်းပါကွယ် ချက်ခြင်းတော့ ... ဒေါက်တာလည်း ကြွလာနိုင်မှာ မဟုတ်ဘူး..ဆေးခန်းသိမ်းချိန်လောက်မှ လာမယ်ဆိုလည်း ဖြစ်တယ် သားကပဲ မှာခဲ့ပေးလေနော်”

ပုံမှန်ဆို အိပ်ယာထဲမှာ အိပ်မပျော်သော်လည်း လူးလိမ့်နေဦးမည်သာ ဖြစ်သော်လည်း အချစ်တော် ခွေးလေးနေမကောင်း ဖြစ်သည်ဆိုတာကြောင့် အိပ်ယာမှ လူးလဲထကာ မျက်နှာသစ်၊ အဝတ်လဲ၍  မိုးသဲထဲသို့ထီးတစ်လက်ဖြင့် ကျွန်တော်အိမ်က ထွက်ခဲ့သည်။

သွားရမည့် ဆရာဝန်အိမ်က မဝေးသော်လည်း ဆယ့်ငါးမိနစ်လောက်တော့ လျှောက်ရမည်။ သည်းသည်းထန်ထန်ရွာနေသောမိုးကြောင့် ထင်သည်၊ လမ်းမထက်မှာ တစ်ခါတရံဖြတ်သွားသော ကားတစ်စီးတစ်လေ မှတပါးကားလမ်းမ တစ်လျှောက် လူသူကင်းမဲ့စွာဖြင့် မိုးရေစက်တွေအောက်မှာ တိတ်ဆိတ်၍နေသည်။

“ ဟာ….”

ရုတ်တရက် ဖြတ်မောင်းလာသော ကားအရှိန်ကြောင့်ထင်သည်၊ ကားလမ်းပေါ်မှ ရေများက ကျွန်တော်ရှပ်အင်္ကျီတခြမ်းလုံးမှာ  မြင်၍ မကောင်းအောင်ပင် ရွံရေစက်တို့ဖြင့် ပေရေသွားတော့သည်။ ဖြတ်တိုက်သွားသော ကားကိုလှည့်ကြည့်လိုက်ချိန်မှာတော့ ကားက ချက်ခြင်းဆိုသလို ဘတ်ဂီယာသုံးပြီး နောက်ပြန်မောင်းလာတာကိုတစ်ဆက်တည်း ကျွန်တော်တွေ့လိုက်ရသည်။ ကားစီးနိုင်တဲ့သူတွေထဲမှာလည်း တာဝန်ရှိစိတ် ရှိသားပဲလို့ကျေနပ်စွာ တွေးမိရင်း ကျွန်တော်ပြုံးလိုက်ကာ ကားဆီသို့ အကြည့်ကို ပို့လိုက်သည်။

“ဟင်… မလေး ပါလား”

“ဟော… စောစောစီးစီး ဘယ်လိုလုပ် လမ်းပေါ်ရောက်နေတာတုန်း..”

မလေးက ကားပေါ်မှ ဆင်းကာ ကျွန်တော့်ထီးရိပ်အောက်သို့ ခိုဝင်လာခဲ့သည်။ မိုးသဲသဲ အောက်မှာလူနှစ်ယောက်အတွက် ထီးတစ်ချောင်းက လုံခြုံမှု မပေးနိုင်ဘူးဆိုတာ နားလည်ထားသော ကျွန်တော်ကမလေးဘက်ကို ပို၍ ငဲ့ဆောင်းပေးလိုက်သည်။ နိးနိးကပ်ကပ် နှလုံးခုန်သံနှစ်ခုကလည်း မိုးသဲနှင့် အပြိုင်။ကျွန်တော် ဆွံ့အနေစဉ်မှာပင် မလေးမှ ကျွန်တော့်ကိုယ်ပေါ်က မိုးရေစက်တွေကို သူမလက်ဖဝါးတို့နှင့်သပ်ချပေးသလို သူမ နှုတ်ဖျားမှလည်း ကျွန်တော်အတွက် ပြင်ဆင်ခဲ့ပြိး ဖြစ်သော စကားတို့ကို အစဉ်စီတကျတည်ငြိမ်စွာပင် ဆိုလေသည်။

“ Sorry ..ပါ မိုး… မလေး  မိုးကိုပဲ နုတ်ဆက်ချင်လို့ အလျှင်လိုပြီး ကားအမြန် မောင်းခဲ့တာ…”

“ နုတ်ဆက်မလို့ ..ဟုတ်လား မလေး..  မလေးက..ဘယ်သွားမှာ မလို့လဲ..”

“အင်း.. ဟုတ်တယ် မိုး  နေရာသစ်တစ်ခုကို သွားဖို့ အဆင်သင့်ဖြစ်နေပြီ..ဘယ်နေ့ ဘယ်အချိန်ပြန်လာဖြစ်မယ်ဆိုတာ မသေချာတဲ့ နေရာသစ်ကို မသွားခင် မိုးကို နှုတ်ဆက်ခဲ့ချင်တယ်..ဒီအတိုင်းကြိး ထွက်သွားရမှာလည်း.. မိုးကို အားနာတယ်..”

“ ရပါတယ်…. မလေး ဘယ်လိုပဲ ဖြစ်နေဖြစ်နေ ကျွန်တော် နားလည်မှာပါ..”

“တစ်ကယ်ဆို  အားနာတယ် တဲ့လား မလေးရယ်.. „ ဟု ကျွန်တော် ခနဲ့မယ်ဆို ခနဲ့လို့ ရသလို „ ကျွန်တော်ကမလေးအတွက် အားနာတယ် ဆိုတဲ့ အဆင့်လောက်ပဲရှိခဲ့တာလား..” ဟူ၍လည်း အပြစ်တင် နိုင်ခဲ့ပါလျှက်မလေး၏ ဆန္ဒတစ်ခုမို့ကျွန်တော် အပြစ်မတင် ရက်ခဲ့ပါ။

“ကံကောင်းလို့..မိုးနဲ့ ဆုံဖြစ်တာ …မဟုတ်ရင် လွဲသွားမှာ..လေ.. လေယာဉ်ချိန်လည်း နီးပြီမို့ မလေး သွားတော့မယ်နော်”

အခုရော ဆုံစည်းဖြစ်တာမှ မဟုတ်ပဲ မလေးရယ်..ဟုသာ ကျွန်တော့်စိတ်ထဲမှာ တီးတိုးဆိုမိသည်။ ကျွန်တော် ဘာမှ မပြောနိုင်ခင်ပဲ မလေးက ကားပေါ်ပြန် ရောက်သွားတော့သည်။ မလေး တစ်ယောက် ကားမောင်းထွက်ခွာသွားချိန်အထိ တိုင်အောင် ကျွန်တော့်မှာ နေရာမှ မရွေ့မိသေး။

ဘယ်အချိန်မှာ ပြန်ဆုံနိုင်မယ် မသိသော ရုတ်တရက် ကျွန်တော့ရှေ့မှ ပျောက်ကွယ်သွားတော့မည့် မလေးကိုသာမျက်တောင်မခတ် ငေးကြည့်နေမိခဲ့သည်။ မလေး လက်ပြချန်ခဲ့ချိန် ကျွန်တော် ပြုံးနေခဲ့လား၊ ပြန်လည်လက်ပြမိလား၊  ကျွန်တော် ဘာတစ်ခုမှ မသိတော့ပေ။

ကျွန်တော်သိတာ … မျက်စိတစ်ဆုံး ကျွန်တော် ငေးမောနေခဲ့တယ် ဆိုတာပါပဲ။

အဲ့သည့်နေ့က ဖြစ်နိုင်လျှင် မိငြိမ်းချမ်းအစား ကျွန်တော် သေဆုံး သွားလိုက်ချင်တာပါ။

ကျွန်တော် အိမ်ပြန်ရောက်ချိန်မှာ သေဆုံးနေပြီ ဖြစ်သော မိငြိမ်းချမ်း၏ သက်မဲ့ခန္ဓာကိုယ် က ကျွန်တော့်ကိုဆီးကြိုနေခဲ့ပြီပင်။ မိုးရေတွေကြောင့်လား မျက်ရည်တွေကြောင့်လား.. မကွဲပြားသလို ကျွန်တော်မျက်ဝန်းမှာလည်း အမြင်တွေက မှုန်ဝါးနေခဲ့သည်။

ထိုနေ့သည် ကျွန်တော့်ဘဝထဲမှ အလေးထား ချစ်ရသူ နှစ်ဦး ထွက်ခွာသွားသော နေ့တစ်နေ့လည်း ဖြစ်သည်။တစ်ဦးက ပြန်ဆုံရန် မသေချာသော ရှင်ခွဲ ခွဲခွာခြင်း မျိုးဖြစ်ပြီး တစ်ဦးကတော့ တစ်ဘဝစာအတွက် ပြန်မဆုံနိုင်သော သေခွဲ ခွဲခွာခြင်းဖြင့် ခွဲခွာသွားခြင်းပင် ဖြစ်သည်။

@@@@@@@@

တစ်ခါတရံတော့လည်း မိုးသဲနေ့တွေက ကျွန်တော့်ကို အတိတ်အရိပ်တို့ဖြင့် ထိတ်လန့်ခြောက်ခြားစေသည်။

အထူးသဖြင့် စနေမိုး....ပေါ့။

လွမ်းဆွတ်မှုများဖြင့် နွမ်းလျစေသလို နာကျင်မှုများဖြင့်လည်း နှလုံးအိမ်သည် ခြေမွခံရသည့် နေ့ရက်များကိုပြန်လည် အမှတ်ရစေသည်။

ခွဲခွာခဲ့စဉ်က ပြန်လည်ဆုံတွေ့ရန် မရည်ရွယ်ခဲ့သော်လည်း အမှတ်မထင် ဆိုရှယ်နက်ဝက် တစ်ခုမှာ အလှဓါတ်ပုံတစ်ချို့နှင့် အလှကြီး လှနေခဲ့သော မလေးကို  ပြန်ဆုံတွေ့ခဲ့ချိန် ဟိုးအရင်ကလိုပင် ကျွန်တော်တစ်ယောက်ရင်ခုန်သံတွေ မြန်ခဲ့ရသည့်အထိပင် ဖြစ်ခဲ့ရသေးသည်။

သက်ဆိုင်သူ ရှိနေပြီဆိုသော အသိဖြင့် မလေးကို နုတ်ဆက်ရန် စိတ်ကူးတို့အား နောက်ဆုတ်ခဲ့ချိန်မှာမှ မလေးကကျွန်တော့်ကို သတိပြုမိသွားခဲ့ချိန်မှာတော့ ကျွန်တော်အဖို့ ရင်ခုန်စ ဆယ်ကျော်သက် လူငယ်လေးတစ်ယောက်ကဲ့သို့ပင် ယစ်မှုးခဲ့ရသေးသည်။

 ရင်ထဲမှ အပျော်တွေကို ထာဝရ သိမ်းဆည်းဖို့ အတွက် ခိုင်လုံသော အကြောင်းပြချက်က ရှိနှင့်နေခဲ့ပြီးသားပင်ဖြစ်သည်။ ဟိုးယခင်ထဲက မလေး၏ စွန့်ပစ်ခံ လူသားတစ်ဦးဆိုတာ ကျွန်တော် သိခဲ့ပြီးသားပါ။

 ဒဏ်ရာဟောင်းကို တူးဆွဖို့ ဆန္ဒမရှိသလို ဒဏ်ရာသစ်ကိုလည်း မခံယူသင့်တော့ဘူး ထင်သောကြောင့်ပင်“သတိရသေးလား..” ဆိုသည့်  မလေး၏ အမေးကို “ မရပါဘူး..” ဟူ၍ ကျွန်တော် ဖြေပေးခဲ့သည်ပင်။

 နောက်ထပ် မမျှော်လည်း မမျှော်လင့် သင့်တော့ဘူးဟု ကျွန်တော် ထင်သည်။

အမှန်ဆို ကျွန်တော်တို့ နှစ်ယောက်စလုံး ကိုယ်စီ ယုံကြည်ခဲ့ကြသော သက်ဆိုင်ရာ လမ်းကြောင်းပေါ်မှာအတော်လေးကို ခရီးပေါက် ခဲ့ကြ ပြီးသူများပင် ဖြစ်သည်။ ခရီးဆုံးသည်အထိ ဆက်လျှောက်ရုံသာ ရှိတော့သည်ပင် မဟုတ်ပါလား...။

အခွင့်သာရှိခဲ့မယ်ဆိုလျှင် “ကျွန်တော်မှာ ချစ်သူ ရှိနေပြီ ..” ဟု တစ်ခါလောက်တော့အနိုင်ပိုင်းကြည့်ချင်မိသည်။

ထာဝရ ရှုံးနိမ့်ခဲ့ပြီးသား ဆိုသည့်တိုင်အောင် ထပ်ခါတလဲလဲ ကျရှုံးနေရတဲ့ အဖြစ်ကို ကျွန်တော်မုန်းနေမိသည်မှာ အပြစ်တစ်ခု ဖြစ်ခဲ့ပါသလား ဟူ၍သာ မေးစမ်းချင်မိတော့သည်။

@@@@@@@@

@@@@@

@@@

အိန်ဂျယ်လှိုင်

8:20 PM (Aus;)

Saturday, February 01, 2014

သူကြီးမင်းနဲ့ မမ မဒမ်ကိုးတို့ရဲ့ ..BPP Challenge ပါ :)

တာဝန်ကျေပါတယ်နော် ရဲဘော် :) 

ဆက်ပြီး ချဲလင့် ရမည့်သူတွေကတော့...

၁။ အကို သက်တန်ချို

၂။ မမမဒမ်ကိုး

၃။ မမပစ်ပစ်

၎။ မမ အဖြူရောင် နတ်သမီး 

၅။ မိုးဇက်

၆။ မိစံ

၇။ စန်းထွန်း

၈။ မမစံပယ်ချို

၉။ မိုးညချမ်း

၁၀။ မမသဒ္ဒါလှိုင်း

အချိန်ရရင် ဘလော့ရွာလေး စည်းကားအောင်လို့ ရေးပေးကြပါဦးလို့...

ချစ်ခြင်းအားဖြင့်...

လေးစားစွာဖြင့်  အိန်ဂျယ်လှိုင် :)

Posted in: ၀တ္ထုတို